Azərbaycan Memarlıq və İnşaat Universitetinin “Memarlıq” ixtiası üzrə SABAH qruplarının 2-ci kurs tələbələrinin 9 mart 2018-ci il tarixində Layihələndirmənin əsasları fənni üzrə maket işlərinin sərgisi keçirilib.

Maketlər əsasən Abşeron bağları və regionlar üçün nəzərdə tutulmuş müasir iki və üçmərtəbəli yaşayış binalarını əhatə edib. Tikililər əsasən klassik, modern və şərq üslubunda hazırlanıb, eyni zamanda layihələndirmə zamanı region, iqlim və relyef nəzərə alınıb. Maketlərdə insanların rahatlığını düşünərək tikililərin həyətində hovuz və qaraj daxil olmaqla yaşıllıq zonası yaradılıb.

Sərginin açılış mərasimində universitetin rektoru, professor Gülçöhrə Məmmədova, beynəlxalq əlaqələr üzrə prorektor, professor Nərgiz Abdullayeva, Memarlıq fakültəsinin dekanı Zahidə Məmmədova, SABAH qrupunun rəhbəri Pərvin Quliyeva , Magistatura şöbəsinin müdiri Rövşən Səmədov və tələbələr iştirak ediblər.